الفترة الجاية لسوهارتو

الفترة الجاية لسوهارتو
حتى ولو ..متوا.. أو إنهارتوا
الحاكم هو ومين غيره
مين يملك ف الحكم مهارته
الفترة الجاية لسوهارتو
***
الفترة الجاية دى مضمونة
والفترة التالية دى مأمونة
مين انتوا عشان تنتخبونا
وتقولوا بدلتوا وغيرتوا
الفترة الجاية لسوهارتو
***
متنيل في جميع خطواتة
وتاريخى ف جميع خطاباتة
والشعر المنتوف .. من باطة
أطيب م العنبر .. لطهارتة
الفترة الجاية .. لسوهارتو
***
متأنى ... مش لجل غبائه
بالعكس..ده معروف بدهائه
ونزاهته هو وابنائه
معروفة وحتى ان شهرتوا
الفترة الجاية لسوهارتو
***
إزاى حنفرط وجلالته
قاعد علشان ينهى رسالته
ولغاية متشوفوا ريالته
وتكونوا كشعب إتحضرتوا
الفترة الجاية لسوهارتو

۩ الهي : لك الحمد كما ينبغي لجلال وجهك وعظيم سلطانك ۩
۩ 
الحمد لله وحده : عدد خلقه ، وزنة عرشه ، ومداد كلماته ، ورضا نفسه  ۩
يا ربي رضاك وعفوك، ومحبة حبيبك ومصطفاك الحبيب محمد صلى الله عليه وسلم من وراء الجهد والقصد ،
فتقبله خالصاً لوجهك الكريم
**********
د / يسري مصطفى السيد